Sansar News
काठमाडौं । पछिल्लो २४ घण्टामा ५६४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४ हजार ४५४ नमुना परीक्षणमा थप ५६४ कोरोना संक्रमित थपिएका हुन् ।
आज थपिएका ५६४ जनासँगै नेपालमा कोरोनाबाट संक्रमित हुनेको संख्या ९ लाख ८४ हजार ८९३ पुगेको छ ।
त्यसैगरी आज निको भएका २०२ जनासँगै हालसम्म निको हुनेको कुल संख्या ९ लाख ६९ हजार ४ पुगेको छ ।
त्यसैगरी आज कोरोना संक्रमणबाट १ जनाले ज्यान गुमाएका छन् । आज मृत्यु भएका १ जनासँगै नेपालमा कोरोनाबाट ज्यान गुमाउनेको संख्या ११ हजार ९६० पुगेको छ ।
नेपालमा हाल ३ हजार ९२९ जना सक्रिय सक्रमित रहेका छन् । ती मध्ये ३,७९४ जना होम आइसोलेशनमा, १३५ जना संस्थागत आइसोलेशन र ३२ जनाको आइसीयुमा उपचार भइरहेको छ । साथै २ जनाको भेन्टिलेटरमा उपचार भइरहेको छ ।
वि.सं.२०७९ साउन ११ बुधवार १७:४१ मा प्रकाशित
