Sansar News
काठमाडौं । माछापुच्छ्रे बैंकले दुर्घटना बीमावापत आफ्ना ग्राहकलाई रु.७ लाख बीमा रकम हस्तान्तरण गरेको छ । बैंकले आफ्नो तलबी खातामा रहेको बिमा सुविधा अन्र्तगत ग्राहकले प्राप्त गर्ने बिमा रकम भुक्तानी गरेको हो ।
बैंकले सिमरा शाखामा स्मार्ट तलब खाता खोलेका उमाकान्त चौधरीको परिवारलाई स्मार्ट तलब खाताको बीमा सुविधा अन्तर्गत रु.७ लाख रकम भुक्तानी गरेको जनाएकाे छ । बैंकका अनुसार चौधरीको दुर्घटनाबाट मृत्यु पश्चात उनको परिवारले दाबी गरेको उक्त दुर्घटना बीमा बैंकले मृतकको परिवारलाई हस्तान्तरण गरेको हो ।
बैंकले यसअघि पनि बिभिन्न समयमा आफ्नो स्मार्ट तलब बचत खाता अन्तर्गत विभिन्न ग्राहकलाई बीमा रकम भुक्तानी गर्दै आएको छ । बैंकले शून्य न्यूनतम मौज्दातमा खोल्न मिल्ने स्मार्ट तलब खातामा ग्राहकहरुलाई रु.७ लाख सम्मको दुर्घटना बीमा, रु.१ लाख बराबरको जटिल प्रकृतिका रोगको उपचार खर्च, रु. ४० हजारसम्मको अस्पताल भर्ना खर्च र रु.१० हजारसम्मको औषधी खर्च जस्ता सुविधाहरु प्रदान गर्दै आएको जनाएको छ ।
बैंकले हाल देशका ७ वटै प्रदेशमा १६५ शाखा, ९ एक्सटेन्सन काउन्टर, १६७ शाखारहित बैंकिङ्ग सेवा, २०७ एटिएम मार्फत १३ लाखभन्दा बढी ग्राहकहरुलाई सेवा प्रदान गर्दै आइरहेको जनाएको छ ।
वि.सं.२०७९ साउन ११ बुधवार १७:४३ मा प्रकाशित
