हामी सबैकाे संसारन्यूज

काठमाडौं । बागमती प्रदेशका स्थानीय तहहरुमा बुद्दिजीवीको संगठन अभियान अघि बढेको छ ।

नेपाल बुद्दिजीवी संगठनको बागमती प्रदेश कार्यालय सचिव धन बहादुर मगरका अनुसार काभ्रेको नमोवुद्ध नगरपालिका र चितवनको इच्छाकामना गाउँपालिकामा पालिका स्तरीय समिति निर्माण भएका छन् ।

बागमती प्रदेश सचिव भरत गौतमको प्रमुख आतिथ्यता, संगठनका पूर्व कार्यालय सदस्य गुणराज गौतम र नेकपा (माओवादी केन्द्र) बागमती प्रदेश सदस्य टासी लामाको विशिष्ट आतिथ्यता तथा संगठनका काभ्रे जिल्ला संयोजक चन्द्र प्रसाद मैनाली, काभ्रे पार्टीका प्रतिनिधिहरु  माधव खनाल, मिण्डु लामा, नवराज अधिकारी, ज्ञानेन्द्र देवकोटा तथा संगठनका प्रदेश सदस्य उद्धव पौडेलको  आतिथ्यतामा ११ सदस्यीय कार्यसमिति चयन गरेको छ ।

संगठनका अनुसार सो समितिको अध्यक्षमा रामहरी पौडेल,सचिवमा विष्णु लामा, तथा सदस्यहरुमा वेनी खनाल, कुमार लामा, भीम प्रसाद उप्रेती, गोकुल गौतम, नारायणभक्त श्रेष्ठ, प्रमिला खड्का, बुद्धिमान लामा, सरु नेपाली र होम बहादुर मगर लगायत रहेका छन् ।
कर्यक्रममा प्रमुख अतिथि रहेका भरत गौतम लगायतका वक्ताले जनता र आन्दोलनको हितमा बुद्दिजीवीहरुले भूमिका बढाउनुपर्ने विषयमा जोड दिएका थिए ।

इच्छाकामनामा कार्यसमिति गठन
यसैगरी प्राप्त समाचार अनुसार चितवनको इच्छाकामना गाउँपालिकामा भएको बुद्दिजीवीहरुको भेलाले श्रीरेन्द्र प्रकाश पोखरेलको अध्यक्षतामा कार्यसमिति गठन भएको छ ।

नेकपा (माओवादी केन्द्र) का नेता तथा वागमती प्रदेशका श्रम रोजगार मन्त्री घनश्याम दाहाल ‘अविनाश’ को प्रमुख आतिथ्यता, संगठनका केन्द्रीय सदस्य विनोदखण्ड तिमिल्सीनाको विशिष्ठ आतिथ्यता तथा संगठनका बागमती प्रदेश उपाध्यक्षम डा.प्रेम सागर भण्डारी, इच्छाकामना गाउँपालिकाको नेकपा (माओवादी केन्द्र) का इन्चार्ज प्रताप गुरुङ लगायतको आतिथ्यतामा सो समिति गठन भएको थियो ।

गठित सो समितिको उपाध्यक्षमा रामनाथ त्रिपाठी, मदन चेपाङ, सावित्री खनाल, सचिव नारायण प्रसाद पौडेल, कोषाध्यक्ष हेमलाल अधिकारी, सहसचिव रामजी त्रिपाठी तथा सदस्यहरु याम बहादुर राना मगर, रेशम दोंग, विष्णु अर्याल, दिपेन्द्र लम्साल, हिरालाल गुरुङ, मनमाया चेपांग, सुष्मा श्रेष्ठ, संजय खनाल र विक्रम गुरुङ लगायत रहेका छन् ।