Sansar News
काठमाडौं । कामना सेवा विकास बैंक र सिद्धार्थ बिज्नेस ग्रुप अफ हस्पिटालिटीबीच सम्झौता भएको छ । बैंक र हस्पिटालिटीबीच बैंकका कर्मचारी तथा ग्राहकहरुलाई सिद्धार्थ बिज्नेस ग्रुपले प्रदान गर्ने सुविधामा विशेष छुट दिने सम्झौता भएको हाे ।
उक्त सम्झौता पश्चात बैंकका कर्मचारी तथा ग्राहकहरुले सिद्धार्थ बिज्नेस ग्रुप अन्तर्गतका देश भर फैलिएका विभिन्न होटल, रिसोर्ट, रेस्टुरेन्ट तथा क्याफेहरुको सेवा सुविधाहरुमा आकर्षक छुट प्राप्त गर्न सक्ने बैंकले जनाएको छ ।
बैंकको ग्राहक भएको कुनै पनि प्रमाण पेश गरी यो सुविधा सजिलै प्राप्त गर्न सकिने बैंकले जनाएको छ । बैंकले यस सम्झौताबाट ग्राहकहरुले विशेष लाभ लिने विश्वास लिएको छ ।
वि.सं.२०७९ साउन १६ सोमवार १६:३७ मा प्रकाशित
