Sansar News
काठमाडौं । पछिल्लो २४ घण्टामा ७६० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको पाँच हजार ९२६ नमुना परीक्षणमा ७६० जनामा संक्रमण पुष्टि भएको हो ।
आज थपिएका ७२६ जनासँगै नेपालमा कोरोनाबाट संक्रमित हुनेको संख्या ९ लाख ८८ हजार ८२१ पुगेको छ ।
त्यसैगरी पछिल्लो २४ घण्टामा निको भएका ३२४ जनासँगै हालसम्म निको हुनेको संख्या ९ लाख ७१ हजार २५० पुगेको छ ।
त्यस्तै आज १ जनाको मृत्यु भएसँगै नेपालमा हालसम्म कोरोनाबाट ज्यान गुमाउनेको संख्या ११ हजार ९६९ पुगेको छ ।
त्यसैगरी हाल नेपालमा पाँच हजार ६०२ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ५ हजार ४४०, संस्थागत आइसोलेसनमा १६२, आइसीयुमा ४४ जनाको उपचार भइरहेको छ भने भेन्टिलेटरमा उपचार गराउनेको संख्या शून्य रहेको छ ।
त्यसैगरी पछिल्लो २४ घण्टामा ४७ हजार ३४१ जनाले कोरोना भाइरसविरुद्धको खोप लगाएका छन् ।
आज थपिए ९१५ कोरोना संक्रमित, आइसीयुमा उपचार गराउनेको संख्या बढ्यो
वि.सं.२०७९ साउन १९ बिहीवार १५:५८ मा प्रकाशित
