हामी सबैकाे संसारन्यूज

१२ चैत, काठमाडौँ  । दि शाक्य फाउन्डेसन नेपालको १६औँ वार्षिक साधारणसभा आज यहाँ सम्पन्न भयो । सो वार्षिक साधारणसभाले अमीरमान शाक्यको अध्यक्षतामा १३ सदस्यीय नयाँ कार्यसमितिको चयन गरेको छ ।

कार्यसमितिको उपाध्यक्षमा राजकाजी शाक्य, महासचिवमा माधुरी शाक्य, सचिवमा ज्ञानबहादुर शाक्य, कोषाध्यक्षमा माणिकरत्न शाक्य र सहकोषाध्यक्ष रेणु बुद्धाचार्य चुनिनुभएको छ ।

त्यसैगरी, सदस्यहरूमा सिद्धिरत्न शाक्य, नरेशवीर शाक्य, गङ्गा शाक्य, तीर्थमान शाक्य, स्वस्तिरत्न शाक्य, आनन्दरत्न शाक्य र स्वयम्भूरत्न शाक्य हुनुहुन्छ ।

साधारणसभाले महासचिव माधुरी शाक्यद्वारा प्रस्तुत वार्षिक प्रतिवेदन र कोषाध्यक्ष सुमित्रा शाक्यद्वारा प्रस्तुत आर्थिक प्रतिवेदनलाई पारित गरेको थियो ।

उक्त कार्यक्रममा २०७२ सालको एसएलसी परीक्षामा शाक्य समुदायमा सर्वोत्कृष्ट अङ्क हासिल गर्ने सुदीक्षा शाक्य (३.९० ग्रेड) र निश्चल शाक्य (३.८५ ग्रेड)लाई ‘जुजुभाइ नानीछोरी शिक्षा पुरस्कार’ प्रदान गरिएको थियो ।

त्यसैगरी, स्वराज शाक्य खुशिबही र एन्जिला शाक्य ओमबहाललाई दाता माधवी शाक्य र सकिला शाक्यले जनही रु १५ हजारको छात्रवृत्ति प्रदान गर्नुभएको थियो ।

कार्यक्रममा उपाध्यक्ष राजकाजी शाक्यले शाक्य समुदायको परपरा र रीतिथितिमा सुधार र आर्थिक स्तरोन्नति आवश्यक रहेको बताउनुभयो ।

सभापतिको आशनबाट अमीरमान शाक्यले सुसंस्कृत र कलाकौशलयुक्त शाक्यहरू सङ्ख्याको हिसाबले विस्तारै खुम्चिएर गएकामा चिन्ता प्रकट गर्नुभएको थियो । रासस