हामी सबैकाे संसारन्यूज

काठमाडौं । नेपाल धितोपत्र बोर्डले सृजनशील लघुवित्त वीत्तीय संस्थालाई आइपीओ निष्काशनका लागि अनुमति दिएको छ । सिरहाको चोहर्वा केन्द्रीय कार्यालय रहेको लघुवित्त संस्थाले पेस गरेको निवेदन धितोपत्र बोर्डले स्वीकृत गर्दै अनुमति दिएको हो ।

कम्पनीले जारी पुँजीको ३६ प्रतिशत प्राथमिक सेयर जारी गर्न बोर्डमा वैशाख २२ गते निवेदन दिएको थियो । बोर्डले कम्पनीलाई गत बुधबार स्वीकृति दिएको जनाएको छ । आइपीओ ल्याउने कम्पनीहरुको सूचीमा एउटा लघुवित्त थपिएको छ । कम्पनीले आइपीओ निष्कासन गर्ने भएको हो ।

कम्पनीले ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता प्राथमिक सेयर निष्कासन गर्ने भएको हो । कम्पनीको चुक्ता पुँजी हाल ७ करोड रुपैयाँ छ । आइपीओ बिक्रीपछि १० करोड ९३ लाख ७५ हजार रुपैयाँ पुग्नेछ । कम्पनीले प्राथमिक सेयर निष्काशन गर्न सनराइज क्यापिटललाई बिक्री प्रबन्धक नियुक्त गरेको छ ।