हामी सबैकाे संसारन्यूज

काठमाडौं । आइएमई पे मार्फत  शेयर खरिद गरेको पैसा तिर्न सकिने भएको छ । शेयर लगानीकर्ताले टिएमएस मार्फत आइएमई पे छनौट गरि ब्रोकरलाई शेयर खरिद गरे बापत गर्नु पर्ने भुक्तानी तथा शेयर खरिद गर्न चाहिने कोलेटरल लोड गर्न सकिने भएको हो ।

कम्पनीका अनुसार हाल यो सुबिधा ३५ वटा भन्दा बढी ब्रोकरहरुमा उपलब्ध छ । आगामी दिनमा बाँकी ब्रोकरहरु पनि थपिने कम्पनीले जनाएको छ ।

कम्पनीका प्रमुख व्यापार अधिकृत प्रमोदमान सिंह बस्नेतले टिएमएसमा धितो लोड गर्दा र फन्ड सेटलमेन्ट गर्दा आइएमई पे रोजी सजिलै कारोबार गर्न सकिने हुँदा यसले शेयर कारोबार गर्ने सबैलाई थप सहज हुने साथै भुक्तानी सेवा प्रदायक यसरी टिएमएसमा जोडिनुले नेपालको शेयर बजारलाई डिजीटाइज गर्न थप टेवा पुग्ने बताए ।

कम्पनीका अनुसार यो भुक्तानी रियल-टाईममा हुने भएकोले ब्रोकर तथा शेयर लगानीकर्ता दुवैले ढुक्कै कारोबार गर्न सक्नेछ । यो सुविधा प्रयोग गर्ने शेयर लगानीकर्तालाई हालको लागि कुनै सेवा शूल्क नलाग्ने गरी व्यवस्था मिलाइएको कम्पनीले जनाएको छ ।