हामी सबैकाे संसारन्यूज

काठमाडौं । साताको चौथो दिन पनि नेप्से परिसूचक घटेको छ । बुधबार नेप्से परिसूचक ५.९१ अंकले घटेर २०५७ बिन्दुमा झरेको छ ।

बुधबार कारोबार रकम पनि घटेको छ । मंगलबार २ अर्ब ८१ करोडको कारोबार भएकोमा बुधबार १ अर्ब ९३ करोडमा खुम्चिएको छ ।

बुधबार १३ उपसमूहमध्ये यस दिन लगानी उपसमूहको परिसूचक ०.६९ प्रतिशत र उत्पादन तथा प्रशोधनको ०.५० प्रतिशत बढेको छ। बाँकी ११ उपसमूहको परिसूचक यस दिन घटेको छ। जसमध्ये व्यापार उपसमूहको परिसूचक सर्वाधिक १.४९ प्रतिशत घटेको छ।

बैंकिङ ५, विकास बैंक ७, फाइनान्स १६, होटल तथा पर्यटन ११, जलविद्युत् १२, जीवन बीमा ९, माइक्रोफाइनान्स १५, निर्जीवन बीमा १५, अन्य ६ र व्यापार उपसमूह ३१ अंक घटे । उत्पादन उपसमूह भने २७ अंक बढ्यो । कुल ५६ कम्पनीको मूल्य बढ्यो भने ११९ घट्यो, ७ को स्थिर रह्यो ।

बुधबार हिमालयन हाइड्रोपावरको मूल्यमा भने सकारात्मक सर्किट लागेको छ । त्यस्तै, युनिलिभर नेपालको ४.३ प्रतिशत बढ्यो । हिमालयन एभरेस्ट इन्स्योरेन्सको मूल्य भने १० प्रतिशत नै घट्यो ।