Sansar News
काठमाडौं । देवचुली नगरपालिकाका प्रमुख हरि प्रसाद न्यौपानेले नगरपालिकामा खेलकुदको विकासका लागि चाहिने जुनसुकै सहयोगमा नगरपालिका तयार रहेको बताए ।
नगरपालिकाको वडा नम्बर १६ रजहरमा कालिका बाल क्लबको आयोजनामा शनिबार सम्पन्न खेलकुद महोत्सवमा प्रमुख अतिथि रहेका नगरप्रमुख न्यौपानेले खेलका माध्यमबाट बालबालिकालाई अनुशासित र मर्यादित बनाउन मूख्य भूमिका खेलेको भन्दै आयोजक संस्थाप्रति धन्यवाद व्यक्त गरेका थिए ।
न्यौपानेले नगरपालिकाका अन्य वडामा पनि बालबालिकाको शैक्षिक, खेलकुद लगायतका क्षेत्रमा विकास गनुपर्ने बताउदै आफु सहयोग गर्न तयार रहेको बताए ।
‘बालबालिका भनेका भविष्यका कर्णधार हुन् । उनीहरुका निम्ति यो नगरपालिका सबै खालका सहयोग गर्न तयार छ । अभिभावक तथा संरक्षकको रुपमा म रहनेछु ।’ नगरप्रमुख न्यौपानेले मन्तव्यका क्रममा भने ।
वि.सं.२०७९ साउन २९ आइतवार १२:४० मा प्रकाशित
