Sansar News
काठमाडौं । प्रतिनिधिसभाको आजको बैठक शोक प्रस्ताव पारित गरेर सकिने भएको छ ।
संसद सचिवालयका अनुसार आज दिउँसो १ बजे बस्ने बैठकमा नेपाली कांग्रेसका नेता प्रदीप गिरिको निधनमा शोक प्रस्ताव पारित गर्ने कार्यक्रम रहेको छ ।
सभामुख अग्नि सापकोटाले बैठकमा शोक प्रस्ताव पेश गर्ने र सो पारित भएपछि अर्को कार्यसूचीमा प्रवेश नगरी बैठक सकिने छ ।
प्रतिनिधिसभा सदस्य तथा समाजवादी चिन्तक ७५ वर्षीय नेता गिरीको शनिबार राति साढे नौ बजे ललितपुरको मेडिसिटी अस्पतालमा उपचारका क्रममा मृत्यु भएको थियो । उनको आइतबार पशुपतिको आर्यघाटमा अन्त्येष्टि गरिएको थियो ।
वि.सं.२०७९ भदौ ६ सोमवार ०८:४२ मा प्रकाशित
