Sansar News
काठमाडौं । एनएमबि बैंकले सात प्रदेशको ६ वटा शाखामा महिलालाई नेतृत्वमा राखेको छ । बैंकले सोमबार काठमाडौंमा एनमबि वुमन इन लिडरसिप कार्यक्रमको आयोजना गर्दै बैंकका सिईओ सुनिल केसीले यस्तो उद्दघोष गरेको हो ।
बैंकको सात प्रदेशको ६ वटा शाखामा ब्रान्च म्यानेजरको रुपमा महिला रहने छन् । जसमा प्रदेश एकमा सोभिता पन्त, मधेशमा मल्लिका ठाकुर, बागमतीमा प्रफुल्ला मानन्धर, गण्डकीमा खिमकुमारी गुरुङ, लुम्बिनीमा ससता भुसास र सुदूरपश्चिममा नन्द कुमारी भण्डारी रहेका छन् ।
कार्यक्रममा द्धारिका होटेलकी प्रमुख अम्बीका श्रेष्ठ, उद्योगी भवानी राणा, पत्रकार चारु चड्डा र एनएमबी बैंककी ब्रान्च तथा मार्केटिङ प्रमुख प्रनिशा श्रेष्ठले वुमन इन लिडरसिपका बारेमा विचार राखेकी थिइन् ।
हाल ७७ वटै जिल्लामा शाखा विस्तार गरेको बैंकले कूल २०१ शाखाबाट बैंकिङ्ग सेवा दिँदै आएको जनाएको छ ।
वि.सं.२०७९ भदौ ६ सोमवार १८:१३ मा प्रकाशित
