हामी सबैकाे संसारन्यूज

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले माओवादीले गर्ने काम धरानका मेयर हर्क साम्पाङले गरेको भन्दै प्रसंसा गरेका छन् ।

अध्यक्ष प्रचण्डले आज धरान पुगेर धरानका मेयर हर्क साङ्पाङ राई, उपमेयर अइन्द्र बिक्रम बेघा लगायत धरान उपमहानगरको आयोजना र वरिष्ठ कलाकार जेवि टुहुरेको स्मृतिमा वृक्षरोपण गरेका हुन् ।

वृक्षरोपण गर्दै गर्दा नेपालका एक प्रगतिशील तथा गीतकार असाध्यै लोकप्रिय जेवी टुहुरेलाई सम्झेको बताउँदै अध्यक्ष प्रचण्डले आफ्नो वृक्षरोपण टुहुरेकै लागि समर्पित भएको बताए ।

अध्यक्ष प्रचण्डले मेयर साम्पाङको प्रसंसा गर्दै सिंगो देशले उनको काम हेरिरहेको बताउँदै भने– हामी कम्युनिष्टहरु अझ खास गरेर माओवादीहरुले गर्नुपर्ने काम उहाँले गरिरहनु भएको छ । पार्टीका सबै साथीहरु तथा देशका श्रमजीवी जनताहरुलाई हर्कको व्यवहार र आचरणबाट प्रेरणा लिन अनुरोध गर्दछु ।’

अध्यक्ष प्रचण्डले निरन्तर जनताको सेवामा लागिरहन साम्पाङलाई शुभकामना दिँदै आफुहरुको साथ र सहयोग रहेको समेत बताए ।