Sansar News
काठमाडौं । वाणिज्य बैंकहरुमा निक्षेप स्थीर देखिएको छ । नेपाल बैंकर्स संघले उपलब्ध गराएको तथ्यांक अनुसार साउन पहिलो साता ४४ खर्ब २६ अर्ब रुपैयाँ रहेको बैंकहरुको निक्षेप दोश्रो सातामा पनि बराबर रहेको छ ।
यता कर्जा लगानी भने निरन्तर बढ्दो छ । एक सातामा बैंकहरुको कर्जा लगानी २ अर्ब रुपैयाँले बढेको छ । अघिल्लो साता ४१ खर्ब ७८ अर्ब रुपैयाँ कर्जा लगानी गरेका बैंकहरुले दोश्रो सातामा ४१ खर्ब ८० अर्ब रुपैयाँ लगानी गरेका संघले जनाएको छ ।
त्यस्तैगरी, कर्जा निक्षेप अनुपात बढेर ८८.४२ प्रतिशत पुगेको छ । अघिल्लो साता अर्थात साउनको पहिलो सातामा यस्तो अनुपात ८८.३५ प्रतिशत थियो ।
वि.सं.२०७९ भदौ १३ सोमवार १५:२६ मा प्रकाशित
