हामी सबैकाे संसारन्यूज

काठमाडौं । माछापुच्छ्रे बैंकले घरमै बसेर खोल्न सकिने एम स्मार्ट बचत खाता संचालनमा ल्याएको छ । बैंकले अत्याधुनिक प्रविधिमा आधारित उक्त बचत खाता संचालनमा ल्याएको हाे । उक्त सुविधा अन्तर्गत ग्राहकले घरमै बसेर बैंकको मोबाईल बैंकिंग एप एम स्मार्टबाट माछापुच्छे बैंकमा खाता खोल्न सक्ने बैंकले जनाएको छ ।

विज्ञान र प्रविधिले हरेक सेवा र सुविधा सहज बनाई रहेको अहिलेको परिवेशमा खाता खोल्नका लागि बैंकसम्म पुग्नुपर्ने झन्झटबाट ग्राहकलाई मुक्ति दिने उद्देश्यले बैंकले उक्त सुविधा संचालनमा ल्याएको बैंकले उल्लेख गरेको छ । बैंकले ग्राहकलाई बैंकसम्म आउनु नपर्ने गरी मोवाइल बैंकिङ्ग एप मार्फत खाता खोल्ने, आफ्नो बचत खातामा रहेको रकमलाई मुद्दती खातामा रुपान्तरण गर्ने र सोही मुद्दती खातामा प्राप्त गर्ने सुविधा लोन अगेनष्ट् एफडी सहज र सरल तरिकाबाट आफुले चाहेको समयमा लिन सक्ने गरी आफ्ना सेवा सुविधाहरुलाई डिजिटल माध्यममा रुपान्तरण गरिसकेको जनाएको छ ।

बैंकका अनुसार मोवाईल बैंकिङ्ग एप एमबीएलएम-स्मार्ट एपमा आफैले पासवर्ड रिसेट गर्न मिल्ने, नयाँ ग्राहकले सेल्फ रजिष्ट्रेसन गर्न सकिने, मोवाईलफोनबाटै खाता खोल्न सकिने, मोवाईल फोनबाट नै कर्जा लिन सकिने, आफ्नो केडिट कार्डको स्टेटमेन्ट मोवाईलमा नै हेर्न सकिने, नेपाल क्युआर स्क्यान गरी क्युआर भुक्तानी गर्न मिल्ने, विभिन्न मोवाईल वालेटहरुमा खाता लिंक गर्न सकिने, बत्ति पानीको बिल, रकम ट्रान्सफर, सरकारी कारोबारको भुक्तानी लगायतका सुविधाहरु रहेको छन् ।