Sansar News
काठमाडौं । हिमालयन बैंकले एक्सीलेन्स इन पीओएस एक्विरिङ विजनेस २०२२ अवार्ड प्राप्त गरेको छ । भिजाले प्रदान गरेको सो अवार्ड डिपुटी गर्भनर डा. निलम ढुंगानाले बैंकलाई सो अवार्ड प्रदान गरेकी हुन् ।
बैंकका अनुसार विगतका वर्षहरु देखिनै बैंकले यो विधामा उक्त अवार्ड प्राप्त गर्दै आइरहेको छ । हिमालयन बैंक नेपालको एक मात्र बैंक हो जसले विश्वका विभिन्न प्रसिद्ध कार्डहरु आफ्नो नेटवर्कमा स्विकार गर्ने गर्दछ ।
त्यसैगरी, बैंकले विश्वभर प्रचलनमा रहेको प्रसिद्ध कार्ड ब्राण्डहरु आफ्नो एटीएम,पीओएस तथा ई-कमर्स गेटवेमार्फत स्विकार गर्ने भएकोले स्वदेशी तथा विदेशी ग्राहकहरुलाई आफ्नो कार्डबाट भुक्तानी गर्न सहज हुदै आइरहेको जनाएको छ ।
बैंकले प्रदान गरेको विशिष्टिकृत सेवामा आवद्द भई कार्ड एक्विरिङ विजनेस गरिरहेका मर्चेन्ट, शुभेच्छुक एवं ग्राहकवर्गमा यो सम्मान समर्पित गर्दै यसै महिना भित्र डिनरर/डिस्कभर ब्राण्डको स्विकार्य थप गरिने जनाएको छ ।
हाल बैंकले आफ्नो १५३ वटा एटिएम, ५५०० भन्दा बढि पीओएस तथा करिब ७०० इकमर्श मर्चेन्ट मार्फत सेवा प्रदान गर्दै आईरहेको जनाएको छ ।
वि.सं.२०७९ भदौ १९ आइतवार १७:२७ मा प्रकाशित
