हामी सबैकाे संसारन्यूज

काठमाडौं । सेञ्चुरी कमर्सियल बैंक नारायणगढ शाखा र भरतपुर-१० स्थित एनपीआई नारायणी सामुदायिक अस्पतालबीच सम्झौता भएको छ । बैंक र अस्पतालबीच अस्पतालले दिने विभिन्न सेवामा बैंकका ग्राहकलाई छुट प्रदान गर्ने समझदारी भएको हो ।

बैंकका अनुसार बैंकको डेबिट कार्ड र क्रेडिट कार्डवाहकहरु, मोबाईल बैंकिङ्ग प्रयोगकर्ताहरु, सम्पूर्ण ग्राहकहरु तथा बैकका कर्मचारीहरुलाई अस्पताल छुट प्रदान गर्ने सम्झौता भएको हो ।

बैंकले अस्पतालले दिने विभिन्न सेवा (ओपीडी, फार्मेसी, सिटी स्क्यान बाहेक) शुल्कमा १० प्रतिशत छुट प्रदान गर्ने गरी सम्झौता भएको जनाएको छ ।

उक्त सम्झौतापत्रमा बैंकको तर्फबाट नारायणगढ शाखा प्रमुख भेषराज खड्का र अस्पतालका तर्फबाट अस्पतालका सञ्चालक विष्णु कुँवरले हस्ताक्षर गरेका छन् ।

बैंकले हाल १४७ शाखा, १० एक्सटेन्सन काउण्टर, २४ शाखारहित बैंकिङ्ग र ११५ वटा एटीएममार्फत वित्तीय सेवा प्रदान गर्दै आएको जनाएको छ ।