हामी सबैकाे संसारन्यूज

काठमाडौं । निलम्बित प्रधानन्यायाधिश चोलेन्द्र शमसेर जबराले पूर्व न्यायाधिशहरुले भागवण्डा खोजेको भन्ने आरोपप्रति आपत्ति जनाएका छन् ।

काठमाडौंमा पत्रकार सम्मलेन गरी पूर्वन्यायाधिशहरुले राणासँग फोरमका कुनै पनि सदस्यले भागबण्डा वा सहुलियत नखोजेको बताउँदै आरोप पुष्टि गर्न चुनौती समेत दिएका छन् ।

आफूविरुद्ध दर्ता भएको महाअभियोगको प्रस्तावका सम्बन्धमा जबराले संसदीय महाअभियोग सिफारिस समितिसमक्ष बयान दिने क्रममा पूर्व न्यायाधीशहरुको मर्यादामा भ्रम फैलिने गरी व्यक्त गरिएका बयानप्रति खेद प्रकट गरेका छन् ।

राणाले बयानका क्रममा आफूहरुप्रति अमर्यादित शब्द प्रयोग गरेको भन्दै फोरमका अध्यक्ष टोपबहादुर सिंहले संस्थाको गम्भीर ध्यानाकर्षण भएको बताएका छन् ।

‘संस्थामा आवद्ध रहेका समस्त पूर्व न्यायाधीशहरुको मर्यादामा भ्रम फैलिने गरी व्यक्त गरिएको निलम्बित प्रधानन्यायाधीशको वयानप्रति यस पूर्वन्यायाधीश फोरमले खेद प्रकट गर्दछ । साथै, पूर्व न्यायाधीश फोरमसँग आवद्ध पूर्व प्रधानन्यायाधीश वा न्यायाधीशले निलम्बित प्रधान न्यायाधीशसँग कुनै पनि कुराको भागवण्डा, सहुलियत वा सुविधा लिएको वा माग गरेको तथ्य पुष्टि गर्न समेत चुनौति छ,’ राणाले बयानका क्रममा पूर्व न्यायाधीशहरुलाई विभिन्न आरोप लगाएपछि महाअभियोग समितिले उनीहरुलाई समेत बयानका लागि बोलाउने निर्णय गरेको छ । फोरमद्धारा जारी विज्ञप्तिमा भनिएको छ ।