Sansar News
काठमाडौं । नेपाल स्टक एक्सचेन्ज नेप्सेमा एनसीसी बैंक र कुमारी बैंकको शेयर कारोबार रोक्का भएको छ । यी दुवै बैंकबीच सोमबार मर्जर सम्बन्धी सम्झौतामा हस्ताक्षर भएसँगै नेप्सेमा कारोबार रोक्का भएको हो ।
सम्झौतामा कुमारी बैंकको तर्फबाट मर्जर कमिटीका संयोजक कृष्णप्रसाद ज्ञवाली र एनसीसीको तर्फबाट मर्जर कमिटी संयोजक चन्द्र बाँस्तोलाले हस्ताक्षर गरेका छन् । दुई बैंक १ः१ को स्वाप रेसियोमा मर्ज हुन लागेका हुन् ।
सम्झौता अनुसार मर्जरपछि बन्ने बैंकको नाम कुमारी बैंक रहने छ भने मर्जरपछि बैंकको प्रमुख कार्यकारी अधिकृतमा रमेशराज अर्याल रहने छन् । अर्याल हाल एनसीसीका सीइओ छन् ।
वि.सं.२०७९ असोज ११ मंगलवार ११:२४ मा प्रकाशित
