हामी सबैकाे संसारन्यूज

 बेल्जियम । नेपालको पर्वत जिल्ला घर भई हाल बेल्जियममा बसोवास गर्दै आएका बेल्जियमवासी नेपालीहरुले जिल्लामा स्वास्थ्य तथा शिक्षा एवं परोपकारी कार्यमा सहयोग गर्ने उद्धेश्य अनुरुप स्थापना भएको पर्वत समाज बेल्जियमको आगामी अधिवेशन ३० अप्रिल का दिन आन्त्रोपेनशहरमा अवस्थित नेशनल होटलको सभाहलमा हुने भएको छ ।
सन २००९ मा केदार जोशीको अध्यक्षतामा स्थापित यस समाजले आफ्नो स्थापनाकालदेखि जिल्लामा रहेका बिपन्न वर्गलाई लक्षितगरि बिभिन्न कार्य लगायत जिल्लामा जिर्ण अवस्थामा रहेका बिभिन्न बिद्यालय भवन निर्माण, शिक्षा तथा स्वास्थ्य सेवाबाट बन्चित गरिव, असाहय (अशक्त महिला तथा बालबालिकाहरुलाई सहयोग स्वरूप बिभिन्न आर्थिक तथा भौतिक सहयोगका कार्यक्रमहरु गर्दै आएको छ ।

बेल्जियमको बिभिन्न शहरमा अस्थाई वा स्थाई रुपमा बसोवास गर्दै आएका पर्वतवासी नेपालीहरु आफ्नो ब्यस्तताको बावजुत पनि जन्म स्थानप्रतिको दायित्व बोध गर्दै बिभिन्न च्यारीटी कार्यक्रमहरु मार्फत व्यक्ति तथा समुहगतरुपमा सहयोग संकलन कार्य गर्दै आईरहेको छ । समतामूलक पर्वत समाज निर्माणको लागी सामुहिकरुपमा लागी परेका पर्वतेहरुको आगामी एक मईका दिन आन्त्रोपेन शहरमा पर्बतेहरूको यूरोप भेलाको समेत आयोजना गरिएको बताएका छन । साथै उक्त भेलालाई भब्यरुपमा सम्पन्न गर्न झलक केसीलाई व्यवस्थापन एवंम कृष्ण तिवारी, बालेन्द्र गुरूड र अमृत पौडेललाई बिधान मस्यौदा समितिको जिम्मा दिइएको जानकारी गराईएको छ । समृद्ध पर्वत निर्माणमा हाम्रो अभियान भन्ने मूल उद्धेश्य रही स्थापना भएको समाजले पर्वतमा सामुदायिक भवन निर्माण कार्य अभियानमा समेत ग्लोवलरुपमा आब्हान गरिएको बताएका छन ।

उक्त अभियानलाई अगाडी बढाउन अर्जुन कुमार श्रेष्ठ, सुवाश जोशी, मेघ गुरूड,कृष्ण तिवारी समेतको एक कार्यदल समेत गठन गरेको र यस
महान कार्यलाई क्रमश ग्लोब्लाईज रुपमा विस्तार गर्दै लैजाने अध्यक्ष केदार जोशीले बताएका छन ।