हामी सबैकाे संसारन्यूज

नयाँ शक्ति पार्टीको प्रवास संगठन अन्तर्राष्ट्रिय नेपाली समाज कतारले पार्टीका संयोजक डा. बाबुराम भट्टराई लगायतमाथि सरकारले गरेको गिरफ्तारीको भत्सर्ना गरेको छ । समाजका संयोजक विवि खराल, संगठन प्रमुख लाल भट्ट र महासचिव महामुद कार्कीद्वारा हस्ताक्षरित प्रेस विज्ञप्तीमा माग राखेर शान्तिपूर्ण धर्नामा बसेको अवस्थामा पार्टी संयोजक लगायत नेता तथा कार्यकर्ता पक्राउ गरिएकोमा  विरोध गर्दै उहाँहरुको यथाशिघ्र रिहाईको माग गरिएको छ ।

निर्वाचन चिन्ह दिनु पर्ने माग गर्दै निर्वाचन आयोग घेराउ गर्न पुगेका पूर्व प्रधानमन्त्री तथा नयाँ शक्ति पार्टी नेपालका संयोजक डा बाबुराम भट्टराई लगायतलाई प्रहरीले नियन्त्रणमा लिएको छ। निर्वाचन चिन्ह नपाएका दलहरुले स्थानीय तहको निर्वाचनमा आफ्नो चुनाव चिन्ह दिनु पर्ने माग गर्दै निर्वाचन आयोग घेराउको कार्यक्रम राखेका थिए। पक्राउ गरिएकाहरुलाई भृकुटीमण्डपस्थित महेन्द्र पुलिस क्लबमा राखिएको छ ।