हामी सबैकाे संसारन्यूज

काठमाडौं । कतारमा जारी फिफा विश्वकप फुटवल २०२२ को प्रतियोगितामा अर्जेन्टिना फाइनल विजेता बन्दै विश्वकपको ट्रफि उचालेको छ । अर्जेन्टिनाले ३६ वर्षपछि विश्वकपको ट्रफि उचाल्दै इतिहास बनाएको हो ।

तर २०१८ मा जस्तै विश्वकपको ट्रफि आफ्नो देशमा लैजान अथक मेहनत गरेको फ्रान्सले भने फाइनल खेलमा अजेन्टिनासँग हार बेहोरनु परेको छ ।

कतारको लुसन स्टेडियममा आइतबार राति आयोजित खेलमा अर्जेन्टिनासँग ४–२ गोलले पराजित भएपछि फ्रान्सको विश्वकप घर लैजाने सपना तुहिएको हो । साविक विजेता फ्रान्सलाई पेनाल्टी सुटआउटमा अजेन्टिनाले ४–२ गोलले पराजित गरेको हो ।

अन्तिमसम्मको प्रयास असफल र पराजित भएसँगै फ्रान्सका चर्चित स्ट्राइकर किलियन एमबाप्पे भने मैदानमै बसेर रोएका थिए । दुःखी बनेका उनलाई फकाउन र सान्त्वना दिन फ्रान्सका राष्ट्रपति इमानुएल म्याक्रोन स्टेडियमबाट ओर्लिएर एम्बाप्पेलाई अँगालो हाल्दै धाप मारेर सान्त्वना दिएका थिए ।

फाइनल खेल हेर्न तथा खेलाडीको मनोबल बढाउन कतारको स्टेडियम पुगेका राष्ट्रपति म्याक्रोनले ड्रेसिंग रूम मेै पुगेर खेलाडीहरुसँग २० मिनेट सँगै बसेर कुराकानी गरेका थिए ।

यता फ्रान्सका खेलाडीले दुःख मनाइरहँदा उता अर्जेन्टिनाका खेलाडीहरु भने ड्रेसिंग रूममै रमाइलो गर्दै जितको खुसी मनाइरहेका थिए ।