Sansar News
काठमाडौं । राष्ट्रिय प्रजातन्त्र पार्टी (राप्रपा) को संसदीय दलको नेतामा अध्यक्ष राजेन्द्र लिङ्देन सर्वसम्मत चयन भएका छन् ।
सो पार्टीका प्रवक्ता मोहन श्रेष्ठका अनुसार मंगलबार पार्टी केन्द्रीय कार्यालय धुम्बाराहीमा बसेको संसदीय दलको बैठकले लिङ्देनलाई सर्वसम्मत रुपमा नेताचयन गरेको हो ।
मंसीर ४ गते सम्पन्न प्रतिनिधि सभा निर्वाचन र प्रदेश सभा निर्वाचनमा सो पार्टीका तर्फबाट प्रत्यक्षमा राजेन्द्र लिङदेनसहित ७ जना र समानुपातिक तर्फबाट ७ गरी १४ जना सांसद निर्वाचित भएका हुन् ।
सत्ता गठबन्धन दलहरु अन्य नयाँ दलको सहयोगमा सरकार गठनका लागि तयारी गरिरहेका बेला राप्रपा अध्यक्ष लिङदेन भने सरकारमा जाने नजाने स्पष्ट नभएको बताउँदै आएका छन् । उनले सरकारमा नजाने भनेर कसम पनि नखाएको र मन्त्री बन्नका लागि कसैको घर–घर नधाउने बताउदै आएका छन् । तर आफ्ना मान्यताहरु स्थापित हुने अवस्थामा सरकारमा जाने कारणहरु उल्लेख गर्ने समेत बताउँदै आएका छन् ।
वि.सं.२०७९ पुस ५ मंगलवार १६:५१ मा प्रकाशित
