Sansar News
काठमाडौं । निर्वतमान प्रधानमन्त्री शेरबहादुर देउवाले आज सरकारी निवास बालुवाटार छोड्ने भएका छन् ।
एमालेसहित बिभिन्न ६ दल र स्वतन्त्र सांसदको समर्थनमा माओवादी केन्द्रका अध्यक्ष पुष्पकमल दाहाल ‘प्रचण्ड’ आइतबार प्रधानमन्त्रीमा नियुक्त भएपछि देउवाले सरकारी निवास छाडेर बुढानिलकण्ठमा रहेको आफ्नो नीजी निवासमा जान थालेका हुन् ।
प्रचण्डले सपथ ग्रहण गर्नु अघि नै देउवा त्यहाँबाट बुढानिलकण्ठ जाने बताइएको छ । यद्यपी देउवाको बुढानिलकण्ठस्थित घरमा मर्मत कार्य चलिरहेको हुनाले उनी कहाँ बस्छन् भन्ने खुलाइएको छैन ।
वि.सं.२०७९ पुस ११ सोमवार १०:२५ मा प्रकाशित
