Sansar News
काठमाडौं । प्रधानमन्त्री पुष्पकमल दाहाल प्रचण्डले आठ सदस्यीय मन्त्रिपरिषद् गठन गरेका छन् । प्रचण्डले नियुक्त गरेका सबै मन्त्रीले पद तथा गोपनीयताको सपथ पनि लिएका छन् ।
मन्त्रिपरिषद्मा माओवादी केन्द्रका वरिष्ठ नेता नारायणकाजी श्रेष्ठले उपप्रधानसहित भौतिक पूर्वाधार तथा यातायात मन्त्रीको जिम्मेवारी पाएका छन् भने एमाले उपाध्यक्ष विष्णु पौडेलले उपप्रधान तथा अर्थमन्त्रीको जिम्मेवारी पाएका छन् ।
त्यसैगरि राष्ट्रिय स्वतन्त्र पार्टीका सभापति रवि लामिछानेले उपप्रधान तथा गृहमन्त्रीको जिम्मेवारी पाएका छन् ।
एमालेकी ज्वालाकुमारी साह, दामोदर भण्डारी, राजेन्द्र राई तथा जनमत पार्टीका अब्दुल खानलाई विनाविभागीय मन्त्री बनाइएको छ । उनीहरूको जिम्मेवारी पछि तोकिनेछ ।
सम्बन्धित समाचार
वि.सं.२०७९ पुस ११ सोमवार १७:०३ मा प्रकाशित
