हामी सबैकाे संसारन्यूज

काठमाडौं । आँधिखोला लघुवित्त वित्तीय संस्था लिमिटेले वितरण गर्ने लाभांशको दर बढेको छ । ३१।५८ प्रतिशत लाभांश वितरण गर्ने भएको छ । गत आवको मुनाफाबाट लगानीकर्तालाई वितरण गर्ने प्रस्तावित लाभांश दर अघिल्लो आर्थिक वर्षको तुलनामा करिब ५७ प्रतिशतले बढी हो ।

लघुवित्त संचालक समितिको को पुस ८ गते भएको बैठकले लगानीकर्तालाई गत आवको मुनाफाबाट ३१।५८ प्रतिशत लाभांश वितरण गर्ने प्रस्ताव गरेको छ । हाल यस लघुवित्तको चुक्ता पुँजी ११ करोड ९० लाख छ । कम्पनीले गत आर्थिक वर्षको नाफाबाट लगानीकर्तालाई यसको ३० प्रतिशतले हुन आउने ३ करोड ५७ लाख बराबरको बोनस शेयर वितरण गर्ने छ ।

यस्तै बोनस शेयर कर प्रयोजनका लागि १।५८ प्रतिशतले हुन आउने १८ लाख ७८ हजार ९४७ रुपैयाँ बराबरको नगद लाभांश वितरण गर्ने भएको हो । लघुवित्तले प्रस्ताव गरेको उक्त लाभांश नेपाल राष्ट्र बैंक तथा आउँदो वार्षिक साधारण सभाबाट पारित भएपछि लगानीकर्तालाई वितरण गरिने छ । आर्थिक वर्ष २०७७/७८ मा लघुवित्तले लगानीकर्तालाई १९ प्रतिशत बोनस शेयर तथा १ प्रतिशत नगद लाभांश गरी कुल २० प्रतिशत लाभांश वितरण गरेको थियो ।