हामी सबैकाे संसारन्यूज

काठमाडौं । नयाँ सरकार बनेसँगै सेयर बजारमा निरन्तर उछाल देखिएको छ । कारोबार पहिलो दिन ५६.८६ अंकले बढेको बजार मंगलबार पनि उसैगरि बढेको छ । समाचार तयार पार्दासम्म सेयर बजारमा ५२ अंकको बृद्धि भएको छ ।

लामो समयदेखि १८ सय को हाराहारीमा रहेको सेयर बजार दुई हजारको नजिक पुगेको छ । ५२ अंकको बृद्धि हुँदा १९७७ अंकमा छ । मंगलबार २ हजारसम्म पुग्नसक्ने पनि सम्भावना छ ।

मंगलबार कारोेबार रकम पनि ह्वात्तै बढेको छ । सोमबार दुई अर्ब ९ करोड ७० लाखभन्दा बढीको कारोबार भएको बजारमा हालसम्म नै दुई अर्ब बढीको कारोबार भएको छ ।

आज आधा दर्जन कम्पनीको सेयरमा सर्किट लागेको छ । दोस्रो बजारमा निरन्तर निकै कमजोर बनेको निफ्राको पनि मूल्यमा ८ प्रतिशतभन्दा बढीको बढोत्तरी छ ।

नयाँ सरकार बन्नु र अर्थमन्त्रीमा पुराना अनुभवी विष्णु पौडेलको आगमन हुनुले निजी क्षेत्र उत्साहित देखिन्छ । जसको प्रभाव सेयर बजारमा परेको धेरैको बुझाई छ ।