Sansar News
काठमाडौं । विश्व प्रसिद्ध’ ‘स्मिरनफ’ भोड्का’ नेपाल मै उत्पादन हुने भएको छ । भोड्का ‘स्मिरनफ’ हालसालै एक कार्यक्रम माझ नेपाल लिकर्स प्रा. लि. द्वारा सार्वजनिक गरिएको हो ।
कम्पनीका अध्यक्ष राजेश वीर सिंह तुलाधरका अनुसार तीनपटक डिस्टिल र दशपटक फिल्टर गरिएको सो भोड्का नेपालमै उत्पादन शुरु भएर बजारीकरण हुँदै गरेको छ । विराटनगरस्थित कारखानामा स्मिरनफको उत्पादन शुरु हुँदै गरेको छ । स्मिरनफ नेपालका लागि ब्राण्ड एम्ब्यासडरको भूमिकामा सुरज सिंह ठकुरी रहेका छन् ।
नेपाल लिकर्सले आफ्नो स्वामित्वमा एन्क्यिुटी, ब्लूव्हिस्की, सिग्नेचर प्रिमियर\रेयर व्हिस्की, मिस्टर डोवेल नम्बर १ लक्जरी व्हिस्की, ब्लूरिब्यान्ड जिन, आदि बजारमा उपलब्ध गराउँदै आउको छ ।
अब कम्पनीले भोड्का स्मिरनफको उत्पादन र वितरण प्रारम्भ गर्ने भएको हो । विश्वका करिब १३० भन्दा बढी राष्ट्रहरूमा बिक्री हुने स्मिरनफ भोड्का नेपालमा ७५०, ३७५, र १८० मि.लि. क्रमशः २,२००, १,१०० र ५५० रुपैयाँ मूल्यमा उपलब्ध रहेको कम्पनीले जानकारी दिएको छ ।
वि.सं.२०७९ पुस १३ बुधवार ०८:२० मा प्रकाशित
