हामी सबैकाे संसारन्यूज

काठमाडौं । नेकपा एकिकृत समाजवादीका अध्यक्ष माधवकुमार नेपाल प्रधानमन्त्री पुष्पकमल दाहाल ‘प्रचण्ड’ लाई भेट्न सिंहदरबार पुगेका छन् ।

नेकपा एसको चारदिन लामो स्थायी समिति तथा पोलिव्युरो बैठकले प्रचण्ड नेतृत्वको सरकारमा जाने.नजाने भन्ने विषयमा निर्णय गर्न नसकिरहेका बेला अध्यक्ष नेपाल प्रधानमन्त्री भेट्न सिंहदरबार पुगेका हुन् ।

उक्त भेटमा सातदलीय सरकारलाई समर्थन गर्ने विषयमा कुरा हुन सक्ने स्रोतले जनाएको छ ।

तत्कालीन सत्ता गठबन्धन तोडेर नेकपा एमालेसहित ७ दल र केही स्वतन्त्र सांसदको समर्थनमा प्रधानमन्त्री बनेका नेकपा माओवादी केन्द्रका अध्यक्ष प्रचण्डले आफु्हरुसँग कुनै सल्लाह नगरी एमाले अध्यक्ष केपी ओलीलाई भेट्न बालकोट पुगेको गुनासो अध्यक्ष नेपालले गर्दै आएका थिए । यद्यपी प्रधानमन्त्री प्रचण्डले नेपालसँगको यसअघिको भेटमा सरकारमा समर्थनका लागि गरेको आग्रहमा नेपालले सकारात्मक प्रतिक्रिया दिएका थिए ।

साथै सोमबादेखि सुरु भएको पोलिटव्युरो बैठकमा पनि आफुहरुलाई सरकारमा जाने औपचारिक प्रस्ताव नआएकाले के गर्ने भन्ने विषयमा छलफल नभएको नेपालले बुधबार युवासंघ नेपालले आयोजना गरेको कार्यक्रममा बताएका थिए । उक्त कार्यक्रममा अध्यक्ष नेपालले प्रचण्डको अनुहार मात्र हेरेर सरकारमा जान नसकिने बताएको केही क्षेणमै उनी प्रधानमन्त्रीलाई भेट्न सिंहदरबार पुगेका हुन् ।