Sansar News
काठमाडौं । लुम्बिनी प्रदेश सभाको सभामुखमा नेकपा माओवादी केन्द्रका नेता तुलाराम घर्ती ‘बसन्त निर्विरोध भएका छन् ।
.प्रदेशसभा सचिवालयमा सोमबार गरिएको मनोनयन दर्ताका क्रममा सभामुख पदमा घर्तीको मात्रै उम्मेदवारी परेपछि उनी निर्विरोध सभामुखमा निर्वाचित भएका हुन् ।
सत्ता गठबन्धनबाट सभामुख पदमा उम्मेदवारी दर्ता गराएका घर्तीको प्रस्तावमा एमालेका सांसद भूमिश्वर ढकाल र राप्रपाका सांसद आशिष चौधरीले समर्थन गरेका थिए ।
त्यसैगरी प्रदेश सभा उपसभामुुखमा राष्ट्रिय प्रजातन्त्र पार्टीकी मेनुका खाँण, नेपाली कांग्रेसका विश्व प्रेम पाठक र नागरिक उन्मुक्ति पार्टीकी नेतृ निर्मलादेवी थारुले पनि उम्मेदवारी दर्ता गराएकामा उनीहरुले उम्मेदवारी फिर्ता लिएपछि राप्रपाकी खाँड उसभामुखमा निर्विरोध भएकी हुन् । खाँणलाई ज्येष्ठ सदस्य डिल्लीराज भुसालल उपसभामुखमा निर्विरोध निर्वाचित भएको घोषणा गरेका हुन् ।
सभामुखमा निर्वाचित घर्तीमगर गत मंसीर ४ मा सम्पन्न प्रतिनिधि सभा र प्रदेश सभाको निर्वाचनमा पाल्पा क्षेत्र नंम्बर २ (ख) बाट प्रदेश सभा सदस्यमा निर्वाचित भएका थिए । उनी त्यतिबेला माओवादी केन्द्रका प्रमुख सचेतक रहेका थिए ।
घर्ती २०७४ को निर्वाचनमा पनि पाल्पा २ (ख) बाटै निर्वाचित भएका थिए । त्यस्तै अघिल्लो कार्यकालमा पनि माओवादी केन्द्रका नेता पूर्ण बहादुर घर्ती प्रदेश सभामुख रहेका थिए ।
वि.सं.२०७९ माघ ३ मंगलवार १६:३१ मा प्रकाशित
