२४ चैत, रत्ननगर (चितवन) । पूर्वी चितवनको खैरहनीमा बुधबार भएको मोटरसाइकल दुर्घटनामा परी एक जनाको मृत्यु भएको छ ।
चितवनको खैरहनी नगरपालिका–५ कुमरोजस्थित भित्री सडकमा ना ११ प ४५६१ नं को मोटरसाइकल आफै अनियन्त्रित भई पल्टिँदा चालक सोही ठाउँका ५० वर्षीय जियन महतोको मृत्यु भएको प्रहरीले जनाएको छ ।
दुर्घटनामा परी गम्भीर घाइते भएका महतोको भरतपुर मेडिकल कलेजमा उपचारका क्रममा अपराह्न मृत्यु भएको हो ।
वि.सं.२०७३ चैत २४ बिहीवार ०२:४१ मा प्रकाशित






























