Sansar News
काठमाडौं । नेकपा माओवादी केन्द्रको स्थायी कमिटी बैठक आज बस्दै छ ।
बिहाँन ११ बजे पेरिसडाँडास्थित पार्टी कार्यालयमा बस्न लागेको उक्त बैठकमा समसामयिक विषय तथा विभिन्न पार्टीहरुसँगको पार्टी एकताको विषयमा छलफल हुने बताइएको छ ।
केन्द्रीय कार्यालयका सचिव डोरप्रसाद उपाध्यायका अनुसार बाबुराम भट्टराई नेतृत्वको नेपाल समाजवादी पार्टी (नेसपा), नेकपा एकिकृत समाजवादी लगायतका पार्टीसँगको एकताका विषयमा पनि छलफल गरिने बैठकको ऐजेन्डा रहेका छन् ।
बैठकमा पार्टी संगठन विकास र विस्तार तथा केन्द्रीय समिति बैठकको मिति तय गर्ने समेत बताइएको छ ।
वि.सं.२०७९ माघ १२ बिहीवार ०९:१३ मा प्रकाशित
