हामी सबैकाे संसारन्यूज

काठमाडौं । नेकपा (माओवादी केन्द्र) को स्थायी समिति बैठक आजपनि बस्दैछ ।

बिहीबारदेखि सुरु भएको स्थायी समिति बैठकमा आज पार्टी एकता र संगठन बिस्तार बारेमा छलफल हुने बताइएको छ ।

बिहीबारको बैठकमा राष्ट्रपति निर्वाचनको विषयमा समेत छलफल गरेको माओवादी केन्द्रले राष्ट्रपतिका लागि राष्ट्रिय सहमति बनाउनुपर्नेमा जोड दिएको थियो । साथै आज पनि सोहि विषयमा थप छलफल गरिने बताइएको छ ।

यसअघि प्रचण्ड र एमाले अध्यक्ष ओलीबीच राष्ट्रपति एमाले र उपराष्ट्रपति माओवादी केन्द्रले लिने सहमति भएको थियो । यद्यपी प्रमुख प्रतिपक्ष दल नेपाली कांग्रेसले सभामुख र उपसभामुख पदका लागि उम्मेदवारी दिएको थियो भने राष्ट्रपतिमा पनि उम्मेदवारी दिने निर्णय गरेको छ ।

गत सोमबार बसेको कांग्रेसका पदाधिकारी तथा पूर्व पदाधिकारीहरुको बैठकले राष्ट्रपतिको निर्वाचन समयमा नै गर्नुपर्ने निष्कर्ष निकाल्दै राष्ट्रपतिमा उम्मेदवारी दिने निर्णय गरेको हो ।