हामी सबैकाे संसारन्यूज

कपिलवस्तु । कपिलवस्तुको चन्द्रौटास्थित वडा प्रहरी कार्यालयले बरामद गरेको ११ क्विन्टल ४० किलो अखाद्य मह नष्ट गरेको छ । प्रहरीले उक्त अखाद्य मह शिवराज नगरपालिका–३ बाट बरामद गरी नष्ट गरेको हो ।

वडा प्रहरी कार्यालय चन्द्रौटाका प्रहरी निरीक्षक कपिलजङ्ग शाहीका अनुसार सो परिमाणको मह ७६ डिब्बामा बेच्नका लागि अन्यत्र पठाउन लागिएको अवस्थामा बरामद गरिएको हो । विभिन्न हानिकारक तत्व मिसाएर बनाइएको सो महको बजार मुल्य रु दुई लाख ८५ हजार रहेको प्रहरीले जनाएको छ ।

वडा प्रहरी कार्यालय चन्द्रौटा कपिलवस्तुबाट प्रहरी नायव निरीक्षक लिला बहादुर बोहराको कामाण्डमा खटिएको मोबाईल गस्ती टोलीले चिनी पगालेर बनाए जस्तो देखिने १५ लिटरको ७६ वटा प्लाष्टिकका डिब्बामा राखिएको उक्त नक्कली मह बरामद गरेको हो ।