Sansar News
काठमाडौं । आठ दलीय गठबन्धनले राष्ट्रपति र उपराष्ट्रपति निर्वाचन लक्षित अभिमुखीकरण कार्यक्रम स्थगित गरेको छ ।
आठ दलीय गठबन्धन दलका प्रतिनिधि सभा, राष्ट्रिय सभा र प्रदेश सभा सांसदहरुका लागि आयोजना गरिएको अभिमुखीकरण प्रशिक्षण स्थगित गरिएको बताइएको छ ।
फागुन २५ गते हुने राष्ट्रपति र चैत ३ गते हुने उपराष्ट्रपति निर्वाचनका लागि फागुन १७ गतेदेखि आचारसंहिता लागू भइसकेको अवस्थामा मौन अवधि सुरु भइसकेकोले प्रशिक्षणका कार्यक्रमहरु स्थगित गरिएको हो ।
नेपाली कांग्रेसका मुख्यसचिव कृष्णप्रसाद पौडेलका अनुसार अभिमुखीकरण प्रशिक्षण कार्यक्रम स्थगित गरिएको हो । गठबन्धनले यसअघि संघीय सांसद र सातै प्रदेशका सांसदहरुको अभिमुखीकरण प्रशिक्षण कार्यक्रम आयोजना गरिएको थियो ।
वि.सं.२०७९ फागुन २१ आइतवार १२:५७ मा प्रकाशित
