Sansar News
काठमाडौं । नेपाली दूतावास म्यानमारले पर्यटक भिसामा म्यानमार भिजिटमा नआउन अनुरोध गरेको छ ।
दूतावासले सोमबार एक सूचना जारी गर्दै पर्यटकीय भिसामा म्यानमार नआउन र रोजगारी भिसामा आउनु पर्दा दूतावासमार्फत् विदेशी/फर्म\कम्पनी/रोजगारदाताहरुको बारेमा जानकारी लिन तथा ती कम्पनी÷रोजगारदाताहरुको वेवसाइट चेक\जाँच\प्रमाणिकरण गर्न समेत अनुरोध गरेको छ ।
‘दुवईमा काम गर्दै आएका तथा नेपालमा रहेका नेपालीहरुलाई थाइल्याण्ड र म्यानमारमा सूचना प्रविधि (आइ.टि) का क्षेत्रमा (डिजिटल सेल्स मार्केटिङ इकजुकेटिभ) को रुपमा आकर्षक तलब र सुविधा दिने भनि प्रलोभन देखाई थाइल्याण्डको बैंकक र याङ्गगुनको अन्तराष्ट्रिय विमानस्थलहरुमा अवतरण गराई विभिन्न माध्यमबाट म्यानमारको कायिन प्रान्तको म्यावडीमा लगि जर्बजस्ती अवैद्य कार्यहरुमा लगाइएको विषयमा यस दूतावासको गम्भीर ध्यानाकर्षण भएको छ ।’ दूतावासको सूचनामा उल्लेख छ ।
दूतावासले अनलाइनलाईन जुवा, कल सेन्टर–फ्रड, क्रिप्टो करेन्सी ठगी आदिमा शंकास्पद आइटी फर्महरुले बैंककमा रोजगारीका अवसरहरुको प्रलोभन देखाई युवाहरुलाई लक्षित गरी गैरकानुनी रुपमा बैंकक हुँदै म्यानमार तथा सोझै म्यानमार ल्याइ उनीहरुलाई कम्पनीहरुमा बन्दी बनाएर काम गर्न लगाइको पाइएको जनाएको छ ।
वि.सं.२०७९ चैत ७ मंगलवार १३:१५ मा प्रकाशित
