मानिसहरूलाई स्वस्थ रहन फलफूल खाने सल्लाह दिइन्छ। फलफूलले शरीरलाई पोषण दिन्छ। फलफूलमा भिटामिन, प्रोटिन, मिनरल्सलगायतका पौष्टिक तत्वहरु प्रशस्त मात्रामा पाइन्छ । भनिन्छ, हरेक बिहान खाली पेटमा एउटा स्याउ खाँदा मानिस स्वस्थ रहन्छ, तर स्याउबाहेक पनि धेरै फलफूल छन्, जुन निकै पौष्टिक हुन्छन् ।
यदि तपाईं स्वस्थ रहन लाभदायक आहार खान चाहनुहुन्छ भने केरा पनि फाइदाजनक हुनसक्छ । विज्ञहरूले दिनमा एउटा केरा खान सल्लाह दिन्छन्। केरामा भिटामिन र पोषक तत्व हुन्छ । केरामा पाइने कार्बोहाइड्रेट, भिटामिन ए, सी र बी–६, आइरन, फस्फोरस, क्याल्सियम, म्याग्नेसियम, जिंक, सोडियम, पोटासियमले शरीरलाई पूर्ण पोषण प्रदान गर्छ ।
यसबाहेक, प्राकृतिक चिनीहरू जस्तै सुक्रोज, फ्रक्टोज र ग्लुकोज पाइन्छ। केरालाई सुपरफुड भन्न सकिन्छ । तर केरा खानुका केही बेफाइदा पनि छन् । अर्को स्लाइडमा केरा खानुका फाइदा र बेफाइदाहरू बारे जान्नुहोस्।
केराको लाभ
केरामा पोटासियम हुन्छ । केरामा भिटामिन बी ६ पाइन्छ, जसले मस्तिष्कको शक्ति बढाउनका साथै यसको सेवनले स्मरणशक्तिलाई तेजिलो बनाउँछ ।
केरा तौल नियन्त्रणमा फाइदाजनक हुन्छ । कसरत पछि केरा नियमित खानु फाइदाजनक हुन्छ।
केराले कब्जियत र पेटको समस्याबाट राहत दिन्छ। केरामा अमीनो एसिडको मात्रा बढी हुने भएकाले हर्मोनको स्तर ठीक रहन्छ र मुड ठीक रहन्छ। यसले तनाव कम गर्छ। केराले मुटु रोगबाट बचाउँछ ।
केरा खानुको बेफाइदा
केरामा धेरै क्यालोरी हुन्छ, जसले तौल बढाउँछ। त्यसैले तौल बढी भएका व्यक्तिहरूले केराको सेवन नगर्नु पर्छ।
केरामा प्रोटिन कम हुन्छ, जसका कारण यसको सेवनले मांसपेशी कमजोर हुन सक्छ।
केरामा पाइने फ्रक्टोजले पेटमा ग्यासको समस्या निम्त्याउन सक्छ ।
यदि तपाईको मिर्गौलाले काम गरिरहेको छैन भने केराको सेवन कम गर्नुपर्छ । केरामा पाइने पोटासियमले मृगौलालाई तनाव दिन्छ।
