हामी सबैकाे संसारन्यूज

काठमाडाैं । पाकिस्तानका पूर्वप्रधानमन्त्री एवम् तेहरिक-ए-इन्साफ (पीटीआई) प्रमुख इमरान खान पक्राउ परेका छन् । बीबीसीले जनाएअनुसार उनलाई इस्लामावाद उच्च अदालत बाहिरबाट पक्राउ गरिएकाे हाे ।

इस्लामाबादका आईजीले एक विज्ञप्तिमा इमरान खानलाई अल-कादिर ट्रस्ट मामिलामा पक्राउ गरिएको बताएका छन्। इस्लामाबाद पुलिसले धारा १४४ अनुसार कारबाही हुने बताइएको छ।

पीटीआईका उपप्रमुख फवाद चौधरीले एक ट्विट गर्दै रेन्जर्सले खानलाई उच्च अदालत अगाडि गिरफ्तार गरेको जनाएका छन् । ‘इमरान खानको गाडी घेरिएको छ‚’ उनले ट्विटरमा लेखेका छन् ।

فسطائیت کے خلاف اور اپنے لیڈر عمران خان کے لیے باہر نکلیں !!#نکلو_خان_کی_زندگی_بچاؤ pic.twitter.com/A2pZk8vLfe

— PTI (@PTIofficial) May 9, 2023

पिटिआईले राखेको भिडिओमा उनलाई ठूलो सुरक्षाकर्मीको समूहले घेरेर गाडीभित्र हालेको देखिन्छ।

खानलाई कुन मुद्दामा पक्राउ गरिएको भन्नेबारे भने अझै खुलेकाे छैन ।