हामी सबैकाे संसारन्यूज

काठमाडौँ । सरकारले लामो दुरीकाे सवारीसाधनको भाडा घटाएको छ । गएराती नेपाल आयल निगमले डिजेलमा १० रुपैयाँ मूल्य घटाएपछि लामो दूरीका सवारीसाधनको भाडा घटाएको हो । घटेको मूल्य आजकै मितिदेखि लागू हुने गरी कार्यान्वय हुने यातायात व्यवस्था विभागले सूचना जारी गर्दै जनाएको छ ।

वैज्ञानिक भाडा समायोजन प्रणालीअनुसार स्वचालित रुपमा भाडा घटेको विभागले जानकारी गराएको छ । जसअनुसार सार्वजनिक सवारीमा ३ दशमलव २० प्रतिशत, पहाडी वाटामा संचालन हुने मालवाहक सवारी साधनमा ४ दशमलव १९ प्रतिशत र तराईको बाटोमा संचालन हुने मालवाहक सवारी साधनमा ४ दशमलब ६५ प्रतिशत घटाइएको छ ।

गएराति १२ बजेदेखि लागू हुने गरी निगमले डिजेल र मट्टीतेलको मूल्य लिटरमै १० रुपैयाँले घटाएको छ ।  यसअघि डिजेल र मट्टीतेलको मूल्य १६५ रुपैयाँ तोकिएको थियो ।

निगमले पेट्रोल, हवाई इन्धन र खाना पकाउने ग्याँसको मूल्य भने यथावत राखेको छ ।