हामी सबैकाे संसारन्यूज

काठमाडौं । राष्ट्रिय स्वतन्त्र पार्टीका सभापति रवि लामिछानेले आफूविरुद्ध मुद्दा हालेर ‘इरिटेट’ पार्ने काम भएको बताएका छन् । आफुँले लिएको नागरिकताको प्रतिलिपिबारे प्रश्न उठाउँदै दायर रिट दर्तापछि सामाजिक सञ्जालमार्फत लामिछानेले यस्तो बताएका हुन् ।

लामिछानेले मुद्दा हाल्नु र मुद्दा हाल्ने उद्योग चलाउनु दुई अलग कुरा रहेको बताउँदै भनेका छन्, “मान्छेलाई इरिटेट गर्ने पनि सीमा हुन्छ ।”

सर्वोच्च अदालतको मिति २०७९ माघ १३ को फैसलाको प्रकरण नं। २२, २८ र ३२ मा अमेरिकी नागरिकता परित्याग गरेको तथ्य निश्चित गरेको उनको दाबी छ । अमेरिकी नागरिकता त्यागेको सक्कल निस्सा जिल्ला प्रशासन कार्यालय काठमाडौंमा पेस गरी नेपाली नागरिकता पुनः कायम गराएको दाबी उनले गरेका छन् ।

सर्वोच्चको फैसलापछि लामिछानेले पुनः प्राप्त गरेको नागरिकताको प्रमाणपत्र निस्सा नै नपु¥याई लिएको भन्दै युवराज पौडेल सफलले सर्वोच्चमा रिट दायर गरेका थिए । वैशाख २५ मा दायर रिट अदालतले बुधबार दर्ता गरेको थियो ।

रिटमा लामिछानेले नेपाली नागरिकता पुनः कायम गराउँदा अमेरिकी नागरिकता त्यागेको निस्सा नबुझाएको दाबी गरिएको छ । निस्सा नबुझाइ नागरिकता प्राप्त गरेको हुँदा नागरिकता बदर गर्न माग गरिएको छ । साथै, नागरिकताको प्रतिलिपि वैध नभएको कारण लामिछानेको प्रतिनिधिसभा सदस्यको पद खारेज गर्न माग गरिएको छ ।

सम्बन्धित समाचार

रविको अर्को त्रुटि : अमेरिकी नागरिकता त्यागेको निस्सा बिनै नेपाली नागरिकता

रवि लामिछानेविरुद्धको रिट दर्ता, फेरि त हुँदैन नागरिकता बदर ?