हामी सबैकाे संसारन्यूज

काठमाडौं । सांग्रिला डेभलपमेन्ट बैंकले विश्व वातावरण दिवसको अवसर पारेर यहि जेठ २० गते शनिवार साइकल र्यालीको आयोजना गर्ने भएको छ ।

डेभलपमेन्ट बैंकर्स एशोसिएसन नेपालसँगको सहकार्यमा बैंकले साइकल ¥यालीको आयोजना गर्न लागेको हो ।

बैंकले गत वर्ष समेत वातावरण दिवसका दिन पहिलो बृहत साइकल ¥याली सफलतापूर्वक सम्पन्न गरेकोमा यस वर्षसमेत अझ सशक्तपूर्वक धेरै भन्दा धेरै सहभागिता जुटाई बृहत रुपमा सम्पन्न गर्ने लक्ष्यका साथ दोस्रो ‘साइकल र्याली, २०८०’ को आयोजना गर्न लागेको हो । ‘

इन्धन जोगाऔं, पृथ्वी बचाऔं’ भन्ने मूल नाराका साथ गर्न लागिएको साइकल ¥यालीमा बैंकका कर्मचारी, गाहक, शेयरधनी एवं यस बैंक प्रति सद्भाव राख्ने सम्पूर्ण शुभेच्छुकहरुको उत्साहजनक सहभागिता भई सम्पन्न हुने बैंकले जनाएको छ ।

साइकल र्याली जेष्ठ २० गते शनिवार बिहान ७ः०० बजे बैंककै वालुवाटार स्थित केन्द्रीय कार्यालयको प्राङ्गणबाट शुरु भई लगभग १० किमीको यात्रा पश्चात सानो गौचरणमा सम्पन्न गरिने बैंकले जनाएको छ । यस साइकल ¥यालीबाट सांग्रिला डेभलपमेन्ट बैंक लिमिटेडले वातावरण प्रवद्र्धन प्रतिको आफ्नो उत्तरदायित्वलाई आत्मसात गर्दै इन्धनको मितव्ययिता एवं साइकल जस्तो बैकल्पिक यातायातको साधनको प्रयोग गरी प्रदुषण नियन्त्रणमा टेवा पुर्याउनको निम्ति समाजमा चेतना फैलाउन योगदान पुग्ने विश्वास राखेको छ ।

यस र्यालीमा सहभागी स्वयंले साइकल एवं अन्य आवश्यक उपकरणको व्यवस्था गर्नुपर्नेछ । ¥यालीमा सम्पूर्ण सहभागीलाई वातावरण दिवसको चिनो स्वरुप विरुवा प्रदान गरिने र नाम दर्ता गर्ने तीनसय जनालाई टिसर्ट प्रदान गरिने बैंकले जनाएको छ ।