हामी सबैकाे संसारन्यूज

काठमाडौँ । नेपाल सरकारले प्रस्तुत गरेको आगामी आर्थिक वर्ष २०८०\८१ को नीति तथा कार्यक्रम प्रतिनिधिसभाबाट पारित भएको छ ।

प्रतिनिधिसभाको शनिबार बसेको बैठकले नीति तथा कार्यक्रम बहुमतले पारित गरेको हो । राष्ट्रपति रामचन्द्र पौडेलले यही जेठ ५ गते सङ्घीय संसद्को दुवै सदनको संयुक्त बैठकलाई सम्बोधन गर्दै नीति कार्यक्रम प्रस्तुत गरेका थिए ।

सभामुख देवराज घिमीरेले नीति तथा कार्यक्रम पारितका लागि निर्णायार्थ पेश गर्दा प्रमुख विपक्षी दल एमालेसहितका दलहरुले हुन्न भनेका थिए । सत्तापक्षको बहुमत भएकाले नीति तथा कार्यक्रम पारित भएको घोषणा गरेका थिए ।

राष्ट्रिय सभाबाट जेठ नौ गते र प्रतिनिधि सभाबाट जेठ १३ गते  पारित भएको आगामी वर्ष २०८०/०८१ को नीति तथा कार्यक्रम दुवै सदनबाट पारित भएपछि जेठ १५ मा बजेट ल्याउने बाटो खुलेको हो ।

उक्त बैठकमा प्रधानमन्त्री दाहाल ‘प्रचण्ड’ले नीति कार्यक्रममाथिको छलफलका क्रममा उठेका प्रश्नको जवाफ दिएका थिए । प्रतिनिधिसभाको अर्को बैठक आज दिउँसो १ बजे बस्नेछ ।