Sansar News
काठमाडौं । चारदिने भारत भ्रमण पूरा गरेर प्रधानमन्त्री पुष्पकमल दाहाल ‘प्रचण्ड’ स्वदेश फर्किएका छन् ।
भारतीय प्रधानमन्त्री नरेन्द्र मोदीको निमन्त्रणमा चारदिने भ्रमणका लागि भारत पुगेका प्रधामन्त्री प्रचण्ड शनिबार साँझ नेपाल वायु सेवा निगमको जहाजबाट स्वदेश फर्किएका हुन् ।
प्रचण्डलाई भारतीय विदेश मन्त्रालयकी राज्यमन्त्री मिनाक्षी लेखीले दिल्लीस्थित इन्दिरा गान्धि विमानस्थलमा विदाइ गरेकी थिइन् ।
प्रधानमन्त्री प्रचण्डले समकक्षी मोदीसहित राष्ट्रपति, उपराष्ट्रपति लगायतका अन्य उच्च अधिकारीहरुसँग भेट गरेका थिए ।
भारत भ्रमणका क्रममा प्रधानमन्त्री प्रचण्डले भारतसँग उर्जा व्यापार, कार्गो, रेल, पावहन, डिजीटल भुक्तानी लगायतका सात सम्झौता गरेका थिए ।
वि.सं.२०८० जेठ २० शनिवार १९:०७ मा प्रकाशित
