Sansar News
काठमाडाैं । नेकपा एकीकृत समाजवादीका पूर्वउपाध्यक्ष केदार न्यौपाने नेकपा एमालेमै फर्किएका छन् ।
झण्डै दुई वर्षअघि एमाले छाडेर नेकपा एसमा गएका न्यौपाने पार्टी परिवर्तनको औचित्य समाप्त भएको भन्दै एमालेमा फर्किएका हुन् ।
एमाले केन्द्रीय कार्यालय च्यासलमा अध्यक्ष केपी शर्मा ओली, महासचिव शंकर पोखरेल, उपमहासचिव प्रदीप ज्ञवालीलगायतले उनलाई न्यौपानेलाई पार्टीमा स्वागत गरेका छन् ।
न्याैपानेले गत चैतमा एकीकृत समाजवादीबाट राजीनामा दिएका थिए । न्यौपानेले पछिल्लो समय एमालेसँगै मिल्नुपर्ने लाइनमा अभिव्यक्ति दिँदै आएका थिए ।
वि.सं.२०८० जेठ २१ आइतवार १७:५८ मा प्रकाशित
