हामी सबैकाे संसारन्यूज

काठमाडौँ । गर्मीको मौसममा सबैलाई गर्मीको महसुस हुन्छ । यो समयमा गर्मीका कारण धेरै समस्या पनि उत्पन्न हुन्छन् । यो मौसममा हिड्दा, बस्दा, सुत्दा, काम गर्दा वा त्यत्तिकै बस्दा पनि गर्मी महसुस हुन्छ । अझ यो मौसममा खेतबारीमा काम गर्नेलाई अझ बढी समस्या भोग्नु परेको हुन्छ ।
गर्मीकै कारण कतिपय रोगबाट ग्रसित भएको पाइन्छ । नेपालमा पनि पछिल्ला दिनमा अत्यधिक गर्मी बढेको छ । प्राय चिसो नै महसुस हुने काठमाडौं यातफेरि पहाडी क्षेत्रका मानिसले पनि गर्मी अत्यधिक महसुस गर्नु परेको छ भने तराईका क्षेत्रमा त लु लाग्ने समस्या अत्यधिक देखिएकाले सम्बन्धीत निकयाले सचेत समेत गराएको छ ।

यस्ता समस्याबाट केही राहत पाउन सकिन्छ की, आउनुहोस् अपनाउ यी उपाय

१ -गर्मीको मौसममा गर्मी सुहाउँदो वा गर्मीबाट बचाउने कपडा लगाउनुहोस् । जस्तै लुज–फिटिंग, कपासबाट बनेका कपडा, सेतो कलर अथवा शितल हुने लेनिनका कपडा । गाढा कपडाले हल्का भन्दा बढी प्रकाश तान्ने हुनाले सेता वा हल्का कपडा लगाउनु उचित हुन्छ ।

२- कागती अन्य बेलामा पनि लाभदायक हुन्छ । गर्मी मौसममा कागती पानी पिउनु उत्तम हुन्छ । कागती नै पहिलो फल हो जुन हाम्रो शरीरलाई चिसो बनाउन सहयोग गर्दछ ।

३ -पुदिनाको सेवन गर्नहोस । गर्मीको समयमा पुदिनाले राम्रो फाइदा गर्छ किनकी यसको गुण नै शीतल हुन्छ । पुदिनालाई आफैमा एक औषधिको रुपमा पनि लिइन्छ र यसमा भिटामिन ए पाइन्छ । गर्मीको समयमा रोगसँग लड्नको लागि पनि यो निकै उपयोगि छ ।

४ -पानीको मात्रालाई बढाउनुहोस् । गर्मीको समयमा पानी कम पिउदा शरिरमा डिहाइड्रेसन हुन्छ । शरीरका नसा र कोशिकाहरूलाई सिंचित गर्नका लागि पानी आवस्यक पर्दछ । त्यसैले गर्मीको समयमा पानी प्रशस्त पिउनु पर्दछ ।

५- घरबाट बाहिर कम निस्कने गर्नुहोस् । गर्मी महिनामा जतिसक्दो घरबाट बाहिर ननिस्कने । घामको किराणको प्रभाव सिधै हाम्रो छालामा पर्ने हुँदा त्यसले असर गर्दछ ।

६ -अनावशयका ढोकाहरु बन्द गर्नहोस । यदि तपाईले फ्यान, एसी जस्ता उपकरण चलाउनु भएको छ भने अनावश्यक ढोकाहरु बन्द गर्नुहोस् । सानो क्षेत्रमा मात्र चिसो बनाउनका लागि छिटो र सहज हुन्छ ।

७- बाहिर हावा चिसो हुँदा ढोका र झ्यालहरू खोल्नुहोस् । जस्ले गर्दा कोठा चिसो हुन्छ ।

८ -तपाईंको सौन्दर्य प्रशाधन र क्रिमहरू चिसो गर्नुहोस् । तपाईंको लोशन, मोइस्चराइजर र क्रिमहरू फ्रिजमा राख्दा तिनीहरु चिसो हुन्छन् । यसले गर्दा उत्पादन बिग्रने डर हुँदैन ।