हामी सबैकाे संसारन्यूज

काठमाडौं । पछिल्ला केही सातायता देशैभरी बढेको गर्मीका कारण जनजीवन अस्तव्यस्त बनेको छ ।

गर्मीका कारण बढेको खडेरीका कारण मुख्यत खानेपानीको समस्या, खेतबारीमा लगाएको बाली सुक्ने समस्याका साथै जनजीवनमा पनि त्यसले प्रत्यक्ष असर पारेको छ । जसका कारण देशका विभिन्न अस्पतालमा उपचार गराउन आउनेको संख्या बढिरहेको छ ।

मौसम पूर्वानुमान महाशाखाका अनुसार आज सबैभन्दा बढी तापक्रम भैरहवा, धनगढी र नेपालगन्जको रहेको छ ।

महाशाखाका अनुसार आज भैरहवाको अधिकतम तापक्रम ४१.२ र न्यूनतम तापक्रम ३० डिग्री सेल्सियस मापन गरिएको छ ।

त्यसैगरी नेपालगन्जको अधिकतम तापक्रम ४०.८ र न्यूनतम तापक्रम ३० डिर्गी सेल्सियस मापन गरिएका छ भने सिमराको अधिकतम तापक्रम ४०.५, विरेन्द्रनगरको ३९.४ र दीपायल ३९.५ डिग्री मापन गरिएको छ ।

त्यसैगरी आज काठमाडौंको अधिकतम तापक्रम ३३.३ र न्यूनतम २१.५ मापन गरिएको छ । साथै सबैभन्दा कम जुम्ला, ताप्लेजुङ र ओखल ढुंगाको रहेको छ । त्यहाँ अधिकतम तापक्रम २७ डिर्गी सेल्सियसमापन गरेको छ ।

मध्य तथा पश्मिी तराईमा अझै केहीदिन तापक्रम उच्च हुने
महाशाखाले देशका मध्य तथा पश्चिमी तराईका भू–भागहरूमा अधिकतम र न्यूनतम तापक्रम केही दिन नघट्ने देखिन्छ । जसका कारण सो भू–भागहरूमा तातो हावा /लू चलिरहने हुनाले आवस्यक सतर्कता अपनाउन महाशाखाले अनुरोध गरेको छ ।

आज यी तीन प्रदेशमा वर्षाको सम्भावना
आज कोशी, बागमती र गण्डकी प्रदेशका थोरै स्थानहरू र बाँकी प्रदेशका पहाडी भू–भागका एक–दुई स्थानमा मेघ–गर्जन÷चट्याङ्ग सहित क्षणिक वा हल्का वर्षाको सम्भावना रहेको महाशाखाले जनाएको छ ।

त्यस्तै राति पनि कोशी र बागमती प्रदेशका थोरै स्थानहरूका साथै मधेश प्रदेश लगायत देशका बाँकी पहाडी भू–भागका एक–दुई स्थानमा मेघ–गर्जन÷चट्याङ्ग सहित क्षणिक वा हल्का वर्षाको सम्भावना रहेको छ ।

Observations2023-06-11 08:45 NPT