हामी सबैकाे संसारन्यूज

काठमाडौं । सामसङले आफ्ना उपभोक्ताहरुका लागि शून्य प्रतिशत ब्याजदर रहेको वित्तीय सुविधायुक्त नयाँ अफर ‘इन्स्टा फाइनान्स’ प्रारम्भ गरेको छ ।

यो योजना २५ हजार रुपैयाँभन्दा बढी मूल्यका सामसङ स्मार्ट फोन खरिद गर्ने ग्राहकहरूका लागि लागू गरिएको कम्पनीले पत्रकार सम्मेलनमार्फत जानकारी गराएको छ ।

यो पहलको उद्देश्य भनेको नै नेपालभरका ग्राहकहरूले सजिलैसँग आफ्नो चाहना बमोजिमको स्मार्ट फोन किन्न सक्षम भई वित्तीय समावेशीकरणमा सहयोग पु¥याउनु रहेको कम्पनीको भनाइ छ ।

सामसङ नेपालका निर्देशक प्रणय रत्न स्थापितले भने, ‘सामसङ आफ्नो ग्राहकहरू कै कारणले यहाँसम्म पुग्न सफल भएको हो भन्नेमा विश्वास गर्दछौँ, हामी उनीहरूको आवश्यकता र जरुरतहरूलाई बुझ्दछौँ, त्यसैले हामी हाम्रो उत्कृष्ट उत्पादनहरू र सेवाहरू उपलब्ध गराउने गर्दछौँ, हामीले ल्याएको इन्स्टा फाइनान्स त्यस्तै एउटा मुख्य पहल हो, सासमङ इन्स्टा फाइनान्स ग्राहक केन्द्रित रहेको छ जसले ग्राहकहरूलाई सहजतापूर्वक सामसङको नवीनतम अत्याधुनिक प्रविधिमा अपग्रेड गराउन सक्छ ।’

प्रारम्भमा, सामसङले नेपालका सम्पूर्ण प्रमुख बजारका २०० वटाभन्दा धेरै शोरुमहरुमा यो इन्स्टा फाइनान्स सुविधा उपलब्ध गराउने उनले बताए । यो योजनालाई अर्को महिनासम्ममा आफ्नो नेटवर्कमार्फत बढाउँदै लग्ने योजना सामसङको रहेको छ । सामसङले भनेको छ, ‘यो एक अत्यन्त महत्त्वपूर्ण पहल हो, जुन सामसङ जस्तो स्थापित ब्रान्डले आफ्नो उपकरणहरूलाई सुलभ तरिकाले सबैको पहुँचमा पु¥याउन शुरु गरेको छ, ग्राहकहरू जसले उत्कृष्ट स्मार्टफोनमा आफूलाई अपग्रेड गर्ने सोच बनाइराख्नु भएको छ, उनीहरुका लागि यो एक अत्यन्त सुवर्ण अवसर हो ।’