हामी सबैकाे संसारन्यूज

काठमाडौं । देशका विभिन्न भागमा केही दिनयता निरन्तर परिरहेको वर्षाका कारण विभिन्न नदीहरुको जलसहत बढ्ने क्रम जारी रहेको छ ।

बाढी पूर्वानुमान महाशाखाका अनुसार आगामी तीन दिन देशका अधिकांश प्रमुख तथा मझौला नदीहरूमा बहाव सतर्कता तह भन्दा तलै रहने भएतापनि बढ्दो हुने पूर्वानुमान रहेकोले नदी तटीय क्षेत्रहरूमा सामान्य सतर्कता अपनाउन अनुरोध गरिएको छ ।

आज अर्घाखाँची, रुपन्देही, कपिलवस्तु, दाङ, सल्यान, बाँके, कैलाली, कन्चनपुर, डडेल्धुरा, बैतडी भई बहने केहि स–साना नदीहरुमा आकस्मिक बहावको जोखिम रहने पूर्वानुमान रहेकोले सतर्कता अपनाउन महाशाखाले अनुरोध गरेको छ ।