हामी सबैकाे संसारन्यूज

काठमाडौं । एस.पि.एच. प्रा.लि.ले आयोजना गरेको ‘मिस्टर एण्ड मिस किड्स आइकन भक्तपुर’ को ताज अन्भि पाण्डे र वियङ्का ढकालले पहिरिएका छन् ।

प्रतियोगितामा फस्ट रनर अपको ताज भने सुभान श्रेष्ठ र सुदिक्षा सिटौलाले पहिरिएका छन् । त्यस्तै सेकेण्ड रनर अपको ताज इसाना सिटौला र स्टेल्ला अधिकारीले पहिरिएको आयोजकले जनाएको छ । थर्ड रनर अपको ताज भने प्रियानी झा तथा नैरा प्रजापतिले पहिरिएका छन् ।

आयोजकका अनुसार गत जेठ २७ गते आयोजना गरिएको उक्त प्रतियोगितामा ३२ जनाको सहभागिता रहेको थियो ।

भक्तपुरका अधिकांश विद्यालयहरुको सहभागिता रहेको सो प्रतियोगिताका विजेता विद्यालय भने मेरिगोल्ड इङ्लिस स्कूल तथा विनायक शिक्षा निकेतन हुन् ।