हामी सबैकाे संसारन्यूज

काठमाडौं । श्री एयरलाईन्सले आज देशभरीका सबै उडान रद्द गरेको छ ।

शनिबार काठमाडौंबाट धनगढीका लागि उडेको एयरलाईन्सको ‘फ्लाईट नम्बर २२५’ विमानमा प्राविधिक समस्या देखिएपछि फिर्ता हुनुपरेपछि प्राविधिक जाँचका लागि भन्दै आजका उडान सबै स्थगन गरिएको हो ।

‘यात्रु महानुभावहरुलाई सुरक्षित गन्तव्यमा पुर्याउनु यस एयरलाईन्सको प्राथमिकता भएकोले यस्ता प्राविधिक समस्या नदोहोरियोस् भनि मिति २०८० असार १७ गतेका दिन यस एयरलाईन्सले आफ्ना सम्पूर्ण उडाहरु स्थगित गरि सबै विमानहरुको सम्पूर्ण प्राविधिक परीक्षण गर्ने निर्णय गरिएको र सोमबार १८ गतेदेखि सम्पूर्ण उडानहरु संचालन गरिने जानकारी गराउँदछौं ।’ एयरलाईन्सद्वारा जारी विज्ञप्तिमा भनिएको छ ।